الرئيسية
doPoem(0)
دام التغلي ميزة مـن مواريـك الخوف والله من كثيـر التغلـي |
مالله على كثر التغلي بحاديـك دامي بشر بخطي وابنسى وازلي |
لاتبيع منهو بالمكانين شاريـك يقفي عن الباقين ويقول خلـي |
ويفز قلبه كـل ماحـل طاريـك حبك على نبض الخفوق متولي |
في كل نبضه في خفوقه يناديك وان غبت مايرتاح حتى تحلـي |
يطرب على نغمة هواك ومعانيك ويموت من كثر الجفا والتولـي |
ايزعلك مره على شان يرضيـك ويخاف من زود السعاده تملـي |
ويبعثرك لحظات ويرد يطويـك ويقول لك يابعد ربعـي وكلـي |
ان كان قصدك برد قربي يدفيـك وان كان قصدك حر بصير ظلي |
لاتحسب اني لو تناسيت ناسيك والعالم الله دمع عينـي يهلـي |
لو قلت مقفي والله اني ماخليك سكنت في روحي ودقي وجلـي |
وغرقت في بحرك قبالة شواطيك وامواج مدك مع غرامك تصلـي |
اما هلكت وموتتي في موانيـك شهيد حب وشوفكم ! ماحصلي |
والا حييت؟ بلمسة من اياديـك كني على مزن السحاب متعلـي |
